Author: Sidharekha Online

प्रधानमन्त्री ओली २३ गते भारत जाने

प्रधानमन्त्री ओली २३ गते भारत जाने

मुख्य समाचार
काठमाडौँ । पहिलो विदेश भ्रमणको क्रममा प्रधानमन्त्री केपी शर्मा ओली चैत २३ गते भारत जाने भएका छन्। परराष्ट्र मन्त्रालयले शुक्रबार प्रेस वक्तव्य जारी गर्दै भ्रमणको तालिका सार्वजनिक गरेको हो। दोस्रो पटक प्रधानमन्त्री भएपछि हुन लागेको भारत भ्रमण उनको पहिलो विदेश भ्रमण हो। भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री ओली भारत जान लागेका हुन्। शुक्रवार नै भारतीय विदेश मन्त्रालयले पनि भ्रमण तालिका सार्वजनिक गरेको छ। प्रधानमन्त्री अोलीले भारतीय राष्ट्रपति रामनाथ कोविन्द, उपराष्ट्रपति बंकैया नायडुसँग शिष्टाचार भेट गर्ने कार्यक्रम तय भएको छ। परराष्ट्र मन्त्रालयका अनुसार भ्रमणका क्रममा प्रधानमन्त्री ओलीले समकक्षी नरेन्द्र मोदीसँग भेटवार्ता गर्ने कार्यक्रम तय भएको छ। त्यस्तै भारतका केही मन्त्रीहरूले समेत प्रधानमन्त्री ओलीसँग भेट गर्ने कार्यक्रम तय भएको परराष्ट्र मन्त्रालयल
का‌ंग्रेस नेता खुमबहादुर खड्काको निधन

का‌ंग्रेस नेता खुमबहादुर खड्काको निधन

मुख्य समाचार
काठमाडौँ । कांग्रेस नेता एवम् पूर्वगृहमन्त्री खुमबहादुर खड्काको निधन भएको छ । भारतको दिल्लीस्थित अपोलो अस्पतालमा उपचारको क्रममा खड्काको निधन भएको हो । नेपाली कांग्रेसका प्रवक्ता विश्वप्रकाश शर्माले ट्वीट गर्दै उनको निधन भएको पुष्टि गरेका छन् । उनी मिर्गौला, छाती र नसाको समस्याबाट पीडित थिए । मिर्गौला प्रत्यारोपण गरेका खड्काको स्वास्थ्यमा समस्या देखिएपछि गत फागुन पहिलो साता उनलार्इ नयाँ दिल्ली लगिएको थियो ।
प्रदेश ७ का मुख्यमन्त्री र भारतीय राजदूतबीच भेटवार्ता

प्रदेश ७ का मुख्यमन्त्री र भारतीय राजदूतबीच भेटवार्ता

विविध
काठमाडौँ । प्रदेश ७ का मुख्यमन्त्री त्रिलोचन भट्ट र भारतीय राजदूत मञ्जिभ सिंह पुरीबीच शिष्टाचार भेट भएको छ । नेपाल भारत मैत्री समाज धनगढीको कार्यक्रममा सहभागी हुन पुगेका राजदूतले मुख्यमन्त्री भट्टसँग शिष्टाचार भेट गरेका हुन्। भेट शिष्टाचार भएको र द्विपक्षीय सम्बन्धका विषयमा छलफल भएको छ । मुख्यमन्त्री भट्टलाई भेट्न राजदूत पुरी मुख्यमन्त्रीको कार्यालयमा पुगेका थिए।
घमौराको घरेलु उपचार यस्तो छ

घमौराको घरेलु उपचार यस्तो छ

विविध
काठमाडौँ । घाम चर्किन थालेसँगै छालामा घमौरा आउने समस्या हुन्छ । घमौरा विशेष गरेर छाती, ढाड र हातमा बढी आउने गर्छ । यसले पुरै शरीर नराम्रोसँग चिलाउने, साना बिमिरा देखा पर्ने र कहिलेकाँही त त्यस्ता बिमिराहरूमा ब्याक्टेरियाको संक्रमण भएको खण्डमा पाकेर समेत दुःख दिने हुन्छ । घमौरा गर्मी यामको आम समस्या हो । तर पसिना आउनासाथ यसले दिने दुःख भने नराम्रो खाले हुन्छ । सामान्य अवस्थामा घमौराको उपचारको लागि डाक्टर कहाँ गइराख्नु पर्दैन । बजारमा घमौराबाट राहत दिलाउने दाबी गरिएका कयौं पाउडर, लोसन र क्रिम उपलब्ध छन्। तर यसका लागि बजारबाट त्यस्ता उत्पाद किनिराख्नु पर्दैन। यसको घरमै उपचार सम्भव छ । यसको घरेलु उपचार भनेको शरीरलाई शीतलता प्रदान गर्ने खानपान र जीवन व्यवहार नै हो । निम्न प्रकारका घरेलु विधिहरू अपनाएको खण्डमा घमौराबाट मुक्ति पाउन सकिन्छ: -घमौरा भएकाले प्याज, लसुनले झानेको दाल खानु
‘देशवासीको हित, सुख र समृद्धिमा लाग्नु पर्दछ’ : प्रधानमन्त्री ओली

‘देशवासीको हित, सुख र समृद्धिमा लाग्नु पर्दछ’ : प्रधानमन्त्री ओली

मुख्य समाचार, राजनीति
काठमाडौँ । प्रधानमन्त्री केपी शर्मा ओलीले सबैको सामुहिक प्रयासले मात्रै देशमा शान्ति कायम गर्न सकिने बताएका छन् । श्रमण भगवान महावीरको २६१७ औं जन्म कल्याणक महोत्सवको आज उद्घाटन गर्दै उनले सो कुरा बताएका हुन् । नेपाल जैन परिषदले आयोजना गरेको उक्त कार्यक्रममा बोल्दै उनले भने, ‘समाजमा शान्ति सुव्यवस्था कायम गर्न हरेक ब्यक्तिको योगदान महत्वपूर्ण हुन्छ’ प्रधानमन्त्री ओलीले भने ‘मानिस मानसिक, आत्मिक रुपमा शान्त भएपछि व्यक्तिले अरुलाई दुःख दिनु हुँदैन भन्ने महसुस गर्दछ । यस्तो भावनाको विकास गर्न सकिए मात्र समाजमा शान्ति कायम हुन्छ।’ प्रधानमन्त्री ओलीले जनताको बलले संविधान निर्माण भएकोले अब देश निर्माणमा लाग्नु पर्ने बताएका छन् । प्रधानमन्त्री ओलीले भने, ‘अब सबै जात, धर्म, सम्प्रदायले देश र देशवासीको हित, सुख र समृद्धिमा लाग्नु पर्दछ’ ।
गलत समाचार लेखे १० वर्ष जेल

गलत समाचार लेखे १० वर्ष जेल

विविध
मलेसियाले सामाजिक सञ्जाल तथा अनलाइनहरूमा गलत समाचार रोक्नका लागि १० वर्ष जेल सजायको व्यवस्था लागु गर्ने तयारी गरेको छ। गलत समाचार सम्प्रेषण गर्नेलार्इ १० वर्ष जेल सजाय वा एक लाख २८ हजार डलर (करिब एक करोड २८ लाख रुपैयाँ) जरिवाना वा दुबै जेल सजाय हुने व्यवस्था गरिएको हो। यो विधेयक सरकारले निर्वाचनको केही दिन अगाडि सोमबार त्यहाँको संसद्मा पेस गरेको हो। विधेयकमा उल्लेख भएअनुसार 'फेक न्यूज' भन्नाले 'समाचार, सूचना, प्रतिवेदन र डाटाहरू जुन पूर्ण वा अर्ध झुट छन्' भन्ने रहेको छ । यो विधेयकले ब्लग, सार्वजनिक मञ्च तथा सामाजिक सञ्जाललार्इ समेत समेटेको बीबीसीले जनाएको छ। -बीबीसीबाट
डीपीएल क्रिकेट शनिबारदेखि

डीपीएल क्रिकेट शनिबारदेखि

खेलकुद
काठमाडौं । सर्वाधिक पुरस्कार राशीको धनगढी प्रिमियर लिग (डीपीएल) क्रिकेट प्रतियोगिता यही चैत १७ गतेदेखि सुरु हुँदैछ । प्रतियोगिता नजिकिँदै गर्दा ६ शहरका ६ टिमले विदेशी खेलाडीको टुंगो लगभग लगाएका छन् । प्रायः सबै टिमले विदेशी खेलाडीको टुंगो लगाएका छन् । यतिबेला डीपीएलमा सहभागी क्लबहरू आ–आफ्नै तारिकाले अभ्यासमा व्यस्त छन् । कुनै क्लब विदेशी भूमिमा गएर अभ्यास गरिरहेका छन् भने कुनै टिम स्वदेशमै डीपीएलको उपाधि उलाल्ने लक्ष्यका साथ तयारीमा छन् ।
पत्रकार महासंघले ६३ औं स्थापना दिवस विविध कार्यक्रम गरी मनाउने

पत्रकार महासंघले ६३ औं स्थापना दिवस विविध कार्यक्रम गरी मनाउने

मुख्य समाचार, विविध
काठमाडौं । नेपाल पत्रकार महासंघले आफ्नो ६३ औं स्थापना दिवस विविध कार्यक्रमसहित मनाउने निर्णय गरेको छ । महासंघको बैठकले महासंघको ६३ औं स्थापना दिवसलाई विविध कार्यक्रमसहित मनाउने निर्णय गरेको हो । अध्यक्ष गोविन्द आचार्यको अध्यक्षतामा बसेको बैठकले ६३औं स्थापना दिवस मनाउन महासचिव रमेश विष्टको संयोजकत्वमा सचिवहरू रामप्रसाद दाहाल, प्रकाश थापा, शीतल महतो, लक्ष्मी पुन, रेम विश्वकर्मा र उदय जीएम रहेको समिति गठन गरेको छ । स्थापना दिवसका अवसरमा महासंघले चैत १६ गते महासंघका पूर्वसभापतिहरूलाई सम्मान गर्नुका साथै केन्द्रीय कार्यालयमा रक्तदान तथा चियापान कार्यक्रमको आयोजना गर्ने निर्णय गरेको महासंघका सचिव प्रकाश थापाद्वारा जारी विज्ञप्तिमा उल्लेख छ । विज्ञप्तिमा उल्लेख भएअनुसार त्यस्तै महासंघका सबै शाखा, प्रतिष्ठान, एसोसिएट र वैदेशिक शाखाहरुलाई २०७४ चैत १६ गते रचनात्मक कार्यक्रमहरु गरी स्थाप
उपराष्ट्रपति पुनद्वारा शपथ

उपराष्ट्रपति पुनद्वारा शपथ

मुख्य समाचार
काठमाडौं । नवनियुक्त उपराष्ट्रपति नन्दबहादुर पुनले आज पद तथा गोपनीयताको शपथ लिनुभएको छ । राष्ट्रपति कार्यालय शीतलनिवासमा आयोजित विशेष समारोहमा उहाँलाई राष्ट्रपति विद्यादेवी भण्डारीले शपथ गराउनुभएको हो । समारोहमा प्रधानमन्त्री, सभामुख, राष्ट्रियसभाका अध्यक्ष, कायम मुकायम प्रधानन्यायाधीश, मन्त्रिगण, संवैधानिक निकायका प्रमुख, सुरक्षा निकायका प्रमुखहरु, सांसदलगायतको उपस्थिति थियो । उहाँ आइतबार उपराष्ट्रपति पदमा निर्विरोध निर्वाचित हुनुभएको थियो ।
नयाँ रुप र आधारमा निरन्तर क्रान्ति अगाडि बढ्छ– प्रचण्ड

नयाँ रुप र आधारमा निरन्तर क्रान्ति अगाडि बढ्छ– प्रचण्ड

मुख्य समाचार, राजनीति
काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले क्रान्ति अझै नसकिएको बताएका छन् । काठमाडौँमा आज अखिल नेपाल जनसांस्कृतिक महासंघले आयोजना गरेको कार्यक्रमलाई सम्बोधन गर्दै उनले नयाँ रुप र आधारमा निरन्तर क्रान्ति अगाडि बढ्ने बताएका हुन् । अबको क्रान्तिको आधार समृद्धि र विकास हुने भएकाले सोही दिशामा अग्रसर हुन कलाकर्मीलाई आग्रह गरे । उनले कम्युनिष्ट आन्दोलनले विश्वव्यापी उतारचढावका कारण आफ्ना रणनीतिमा उतारचढाव गरे पनि उद्देश्य र लक्ष्यलाई परिवर्तन नगर्ने र आफ्नो लक्ष्यमा निरन्तर अगाडि बढ्ने बताए । आर्थिक समृद्धि र विकासको कुरा गर्दा सांस्कृतिक क्रान्ति र गतिविधिलाई पनि सँगसँगै अगाडि बढाउनुपर्नेमा उनको रह्ययो । अध्यक्ष प्रचण्डले भने, “हामीले समाजवाद, समृद्धि र स्थायित्वको कुरा गर्दा सांस्कृतिक क्रान्तिलाई जीवन्त राख्न नसकिए विचलन आउने खतरा छ, ठूलो बलिदान र संघर्षम