Author: Deepak Sagar Pant

सरकार गठनका लागि मार्ग प्रशस्त गर्न आग्रह

सरकार गठनका लागि मार्ग प्रशस्त गर्न आग्रह

मुख्य समाचार, राजनीति
काठमाडौं । एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’ले नयाँ जनादेश प्राप्त भइसकेको अवस्थामा नयाँ सरकार गठनका लागि मार्ग प्रशस्त गरिदिन सरकारलाई आग्रह गरेका छन्। ओली निवास बालकोटमा बुधबार भएको भेटमा अध्यक्ष दाहाल र ओलीले सरकारले राजीनामा दिँदै नयाँ सरकारको गठनका सहयोग गर्नुपर्नेमा जोड दिएका हुन्। राष्ट्रिय सभा गठन नभई संघीय संसद् पूर्ण नहुने र संसद् पूर्ण नभई समानुपातिकतर्फ सांसद तोक्न नमिल्ने भनी आयोगले गरेको तर्कको आलोचना गर्दै सिट निर्धारण तत्काल गरिदिन उनीहरुले माग गरेका छन्। भेटमा राष्ट्रियसभा अध्यादेश, पार्टी एकता, सरकार गठनलगायतका विषयमा कुराकानी भएको अध्यक्ष दाहालको सचिवालयले जनाएको छ। दुई अध्यक्षबीच राजनीतिक वातावरण सहज बनाएर पार्टी एकतालाई अघि बढाउने समझदारी भएको जनाइएको छ।
एसईई परीक्षा चैत ८ देखि २० गतेसम्म

एसईई परीक्षा चैत ८ देखि २० गतेसम्म

मुख्य समाचार, शिक्षा
काठमाडौं । यस वर्षको एसईई परीक्षा आगामी चैत ८ गतेदेखि सुरु हुने भएको छ । परीक्षा नियन्त्रण कार्यालयका अनुसार ८ गते सुरु भएको परीक्षा चैत २० गते सकिनेछ । बुधबार बसेको बोर्ड बैठकले परीक्षाको मिति तय गरेको हो । यस वर्ष इक्जाम्टेडतर्फका विद्यार्थीलाई पुरानै कोर्सअनुसार परीक्षा लिइनेछ भने रेगुलरलाई नयाँ कोर्सअनुसार परीक्षा लिइनेछ । कार्यालयका अनुसार चैत ८ गते बिहीबार अनिवार्य अंग्रेजीको परीक्षा हुनेछ । चैत ९ गते शुक्रबार अनिवार्य नेपालीको परीक्षा हुन्छ । १० गते शनिबार र ११ गते चैते दशैं परेकोले यी दुई दिन बिदा हुनेछ । चैत १२ गते अनिवार्य गणित, १३ गते अनिवार्य विज्ञान र १४ गते प्राविधिकतर्फको परीक्षा हुने भएको छ । यसैगरी १५ गते स्वास्थ्य, जनसंख्या तथा वातावरण शिक्षा, चैत १६ गते ऐच्छिक प्रथमका सबै विषय, चैत १७ गते शनिबार साधारण तथा संस्कृततर्फ ऐच्छिक द्वितीयका विषयहरु, वेदविद्याश्रम तर्
कक्षा ११ र १२ को नतिजा पनि अब ग्रेडिङ सिस्टममा

कक्षा ११ र १२ को नतिजा पनि अब ग्रेडिङ सिस्टममा

शिक्षा
काठमाडौं । कक्षा ११ को नियमिततर्फको नतिजा पुस २० गतेभित्रै सार्वजनिक गर्ने राष्ट्रिय परीक्षा बोर्डले जनाएको छ । कर्मचारी चुनावमा खटेकाले नियमिततर्फको नतिजा ल्याउन अलिकति ढिला भएको बोर्डले जनाएको छ । कक्षा ११ को नतिजा यो वर्षदेखि ग्रेडिङ प्रणालीबाट प्रकाशन हुने भएको छ । ग्रेडिङ प्रणालीबाट आउन लागेकाले नतिजाबारे विद्यार्थीमा कौतूहल देखिएको परीक्षा बोर्डले बताएको छ । यसअघि एसईईको नतिजा ग्रेडिङ प्रणालीबाट सुरु भइसकेको छ । बोर्डले गे्रडिङ प्रणाली वैज्ञानिक र अन्तर्राष्ट्रिय स्तरमा पनि मान्य भएकाले कक्षा ११ को नतिजा ग्रेडिङ प्रणालीबाट गर्ने बोर्डले निर्णय गरिएको जनाएको छ । कक्षा १२ को नतिजा पनि ग्रेडिङ सिस्टमअनुसार गर्ने बोर्डको तयारी छ ।
बैतडीमा फेला पर्‍यो मूर्तिसहितको गुफा

बैतडीमा फेला पर्‍यो मूर्तिसहितको गुफा

मुख्य समाचार
बैतडी । बैतडीमा मूर्तिसहितको एउटा नयाँ गुफा फेला परेको छ। घर निर्माण गर्ने क्रममा सिगास गाउँपालिका गाँजरीमा देवीदेवताका मूर्तिसहितको नयाँ गुफा फेला परेको हो । त्यसमा अद्भुत किसिमको कलात्मक ढुंगा कुदिएको स्थानीयको भनाइ छ। गुफाभित्र पौराणिक गणेशको मूर्ती, हात्ती र शङ्खको अद्भुत मूर्ती भेटिएको छ । सिगास–१ पानीफुट्टाको धारमा स्थानीय उज्ज्वलराम विकले नयाँ घर बनाउन ढुंगा निकाल्ने बेला शुक्रबार उक्त गुफा फेला परेको हो । गुफा हेर्न स्थानीय बासिन्दाको भिड लागेको छ।
यी हुन् प्रदेश सातको प्रतिनिधि सभामा विजयी १६ सांसदहरु

यी हुन् प्रदेश सातको प्रतिनिधि सभामा विजयी १६ सांसदहरु

मुख्य समाचार
गत म‍ंसीर १० र २१ गते भएको निर्वाचनमा प्रदेश नं‌ सातबाट प्रतिनिधि सभा सदस्यका लागि १६ वटा निर्वाचन क्षेत्रबाट जम्मा १६ सांसद् चयन भएका छन् । पहिलो हुने निर्वाचित हुने प्रणालीबाट निर्वाचित प्रदेश सातका ९ जिल्ला १६ वटै क्षेत्रका प्रतिनिधिहरू यसप्रकार छन् : १) कैलाली क्षेत्र नं. १ – रेशलाल चौधरी – राष्ट्रिय जनता पार्टी क्षेत्र नं. २ – झपटबहादुर रावल – नेकपा (एमाले) – वाम गठबन्धन क्षेत्र नं. ३ – गौरीशंकर चौधरी – नेकपा (माओवादी केन्द्र) – वाम गठबन्धन क्षेत्र नं. ४ – लेखराज भट्ट – नेकपा (माओवादी केन्द्र) – वाम गठबन्धन क्षेत्र नं. ५ – नारदमुनि राना – नेकपा (एमाले) – वाम गठबन्धन २) कञ्चनपुर क्षेत्र नं. १ – विना मगर – नेकपा (माओवादी केन्द्र) – वाम गठबन्धन क्षेत्र नं. २ – नरबहादुर धामी – नेकपा (एमाले) – वाम गठबन्धन क्षेत्र नं. ३ – दीपकप्रकाश भट्ट – नेकपा (एमाले)
वाम गठबन्धनको प्रत्यक्षतर्फ दुई तिहाई

वाम गठबन्धनको प्रत्यक्षतर्फ दुई तिहाई

मुख्य समाचार, राजनीति
काठमाडौं । यही म‌ंसीर १० र २१ गते सम्पन्न प्रतिनिधि सभाको प्रत्यक्षतर्फ निर्वाचनमा वाम गठबन्धनले दुई तिहाई स्थानमा जित हासिल गरेको छ । प्रतिनिधि सभा सदस्यमा एमालेले ७६ र माओवादी केन्द्रले ३६ स्थानमा विजय हासिल गरको छ । आज साँझसम्म सार्वजनिक १६१ स्थानको अन्तिम परिणाममा गठबन्धनले हालसम्म ११२ स्थानमा जित हासिल गरेको छ । देशभर कुल १६५ निर्वाचन क्षेत्र रहेका छन् । निर्वाचनमा नेपाली कांग्रेसको २२ स्थानमा विजयी भएको छ भने संघीय समाजवादी फोरम ११ र राष्ट्रिय जनता पार्टी नेपाल ११ स्थानमा विजयी भएका छन् । यसैगरी राष्ट्रिय प्रजातन्त्र पार्टी एक, नयाँ शक्ति पार्र्टी नेपाल एक, राष्ट्रिय जनमोर्चा एक र नेपाल मजदुर किसान पार्टी एक स्थानमा विजयी भएको छ। एक जना स्वतन्त्र उम्मेदवारले पनि प्रतिनिधिसभा सदस्यमा निर्वाचित भएका छन्। त्यसैगरी प्रदेश सभातर्फ पनि एमाले १७० र माओवादी केन्द्र ७१ स्थानमा विजयी
एनसेलले सुरु गर्‍यो अनलाइन रिचार्ज सेवा

एनसेलले सुरु गर्‍यो अनलाइन रिचार्ज सेवा

विज्ञान-प्रविधि
काठमाडौं । आफ्ना ग्रहकहरुलाई थप सेवा दिने उद्देश्यका साथ एनसेलले नेपालमै पहिलो पटक अनलाइन रिचार्ज सेवा सुरु गरेको छ। अनलाइन रिचार्ज सेवा एनसेल एप डाउनलोड गरेर पनि लिन सकिन्छ । त्यस्तैगरी वेबसाइटमा गई डेबिट र क्रेडिट कार्ड रिचार्ज छनोट गरी मोबाइल नम्बर, रिचार्ज गर्ने रकम, कार्ड नम्बर र कार्डको पछाडि उल्लेखित तीन वटा सेक्युरिटी कोड भरेर रिचार्ज गर्न सकिने व्यवस्था छ। एनसेलका ग्राहकले भिसा, मास्टरकार्ड र युनियन पेको आफ्नो डेबिट वा क्रेडिट कार्ड प्रयोग गरी प्रिपेड मोवाइलमा रिचार्ज गर्न र पोस्टपेडको बिल भुक्तानी गर्न सक्ने सुविधा पनि छ। एनसेलका ग्राहकले यो वेबसाइटबाट रिचार्ज कार्ड पिन प्रयोग गरी कुनै पनि एनसेल नम्बरमा ब्यालेन्स रिचार्ज गर्न पनि सक्नेछन्।
error: Content is protected !!