Author: Deepak Sagar Pant

प्रतिनिधिसभामा १० वटा विषयगत समिति, सभापति चयन भाद्र ५ गते हुने

प्रतिनिधिसभामा १० वटा विषयगत समिति, सभापति चयन भाद्र ५ गते हुने

मुख्य समाचार
काठमाडौ । संघीय संसदअन्तर्गत प्रतिनिधिसभाका विषयगत समितिका सभापतिहरुको चयन आगामी भाद्र ५ गते हुने भएको छ। प्रतिनिधिसभा अन्तर्गतका १० वटा विषयगत समितिका सभापतिहरुको निर्वाचन आगामी भाद्र ५ गते मंगलबार तोकिएको हो। प्रतिनिधिसभाको सोमबार बसेको बैठकमा प्रतिनिधिसभाका सभामुख कृष्णबहादुर महराले भाद्र ५ गते मंगलबार बिहान ११ बजे समितिका सभापतिहरुको निर्वाचनको मिति तय गरिएको जानकारी दिए। प्रतिनिधिसभामा जम्मा १० वटा विषयगत समिति रहेका छन्। ती समितिमा अर्थ समिति, अन्तर्राष्ट्रिय सम्बन्ध समिति, उद्योग तथा वाणिज्य र श्रम तथा उपभोक्ता हित समिति, कानुन, न्याय तथा मानवअधिकार समिति, कृषि, सहकारी तथा प्राकृतिक स्रोत समिति, महिला तथा सामाजिक समिति, राज्य व्यवस्था तथा सुशासन समिति, विकास तथा प्रविधि समिति, शिक्षा तथा स्वास्थ्य समिति र सार्वजनिक लेखा समिति रहेका छन् ।
बजारमा सुनचाँदीको भाउ घट्यो

बजारमा सुनचाँदीको भाउ घट्यो

अर्थतन्त्र
काठमाडौं । आज नेपाली बजारमा सुनको मूल्य तीन सय रुपैयाँले घटेको छ । सोमबार बजारमा छापावाल सुन प्रतितोला मूल्य ५६ हजार ४०० रुपैयाँमा कारोबार भएको थियो भने आज घटेर सुन प्रतितोला मूल्य ५६ हजार १०० सय रुपैयाँमा कारोबार भइरहेको नेपाल सुनचाँदी व्यवसायी महासंघले जानकारी दिएको छ । सोमबार तेजावी सुन प्रतितोला मूल्य ५६ हजार १०० रुपैयाँमा कारोबार भएको थियो भने आज घटेर सुन प्रतितोला मूल्य ५५ हजार ८०० रुपैयाँमा नै कारोबार भइरहेको छ । त्यस्तै, मंगलबार बजारमा चाँदीको मूल्य पाँच रुपैयाँले घटेको छ । त्यस्तै, सोमबार बजारमा चाँदी प्रतितोला मूल्य ७४० रुपैयाँमा कारोबार भएको थियो भने आज घटेर चाँदी प्रतितोला मूल्य ७३५ रुपैयाँमा कारोबार भइरहेको जनाएको छ ।
नेपाल बन्दको देशभरि सामान्य प्रभाव, अधिकांश विद्यालय बन्द

नेपाल बन्दको देशभरि सामान्य प्रभाव, अधिकांश विद्यालय बन्द

मुख्य समाचार
काठमाडौं । नेत्रविक्रम चन्द ’विप्लव’ नेतृत्वको नेपाल कम्युनिष्ट पार्टीले आह्वान गरेको नेपाल बन्दको देशभरी सामान्य प्रभाव परेको छ। तर विद्यालय भने अधिकांश बन्द भएका छन्। काठमाडौँमा अधिकांश निजी विद्यालयहरु बन्द छन्। विद्यार्थीको सुरक्षाको कारण देखाउँदै उनीहरुले बन्द गरेका छन्। केही बिद्यालय भने खुलेका छन्। बन्दकर्ताले मकवानपुरको टिष्टुङमा स्कुल बसमा आगजनी गरेको छन्। मंगलबार बिहान ६ बजे बसमा आगजनी भएको छ। काठमाडौं लैजादै गरेको बसमा आगजनी भएको हो। उता बुटवलस्थित भारतीय पेन्सन क्याम्पको शौचालयम बिष्फोट भएको छ। नवलपरासीमा उनीहरुले २ वटा ट्रक जलाएका छन्। नेता खड्कबहादुर बिश्वकर्मा ‘प्रकाण्ड’ लगायत नेतालाई पक्राउ गरेको विरोधमा उनीहरुले बन्दको आह्वान गरेका हुन्। व्यवसायीलाई धम्काएर सात करोड असुलेको आरोपमा उनीहरु पक्राउ परेका हुन्।
अविरल वर्षाका कारण महाकाली राजमार्ग अवरुद्ध

अविरल वर्षाका कारण महाकाली राजमार्ग अवरुद्ध

विविध
बैतडी । लगातारको वर्षापछि पहिरो खस्दा महाकाली राजमार्ग अवरुद्ध भएको छ । बाटो अवरुद्ध भएपछि गोकुलेश्वर–दार्चुला सडकखण्डमा दुई दिनदेखि आवागमन बन्द भएको छ । मालिकार्जुन गाउँपालिका–३ तेर्छेलेकमा सडक माथिबाट पहिरो खसेको छ । बैतडीको पाटनबाट डोजर लगेर अहिले पहिरो पन्छाउने काम भइरहेको इलाका प्रहरी कार्यालय गोकुलेश्वरका प्रहरी निरीक्षक दीर्घ बोगटीले जानकारी दिए । “पहिरो लगातार खसिरहेको छ,” उनले भने, “पहिरो पन्छाउन दार्चुलाबाट अर्को डोजर मगाएका छौँ ।” राजमार्ग अवरुद्ध भएपछि छोटो तथा लामो दूरीका सवारी साधन सञ्चालन हुन सकेका छैनन् । दार्चुलाबाट काठमाडौँ, महेन्द्रनगर, धनगढी, डडेल्धुरा, बैतडी तथा काठमाडौँ, महेन्द्रनगर, धनगढी, बैतडीबाट दार्चुलाका लागि छुटेका सवारी साधन दुई दिनदेखि बीच बाटोमै रोकिएका छन् । यात्रु अलपत्र परेका छन् ।रासस
सरकार लोकतन्त्र, प्रेस स्वतन्त्रता र मानवअधिकारप्रति प्रतिवद्ध : प्रधानमन्त्री

सरकार लोकतन्त्र, प्रेस स्वतन्त्रता र मानवअधिकारप्रति प्रतिवद्ध : प्रधानमन्त्री

मुख्य समाचार, राजनीति
काठमाडौं । प्रधानमन्त्री केपी शर्मा ओलीले सरकार लोकतन्त्र, प्रेस स्वतन्त्रता, मानअधिकारप्रति प्रतिवद्ध रहेको बताएका छन् । नेपाल मिडिया सोसाइटीको नव निर्वाचित कार्य समितिलाई बधाई दिंदै प्रधानमन्त्री ओलीले वर्तमान सरकार र नेपाल कम्युनिस्ट पार्टीबाट लोकतन्त्रलाई कहिले पनि खतरा नहुने बताए । आज प्रधानमन्त्री निवास बालुवाटारमा भएको कार्यक्रममा प्रधानमन्त्री ओलीले लोकतन्त्रकै लागि आफ्नो पार्टी स्थापना भएको, त्यसका लागि आफू १४ वर्ष जेल बसेको, पार्टीको कयौं नेता, कार्यकर्ता सहिद भएको बताउँदै लोकतन्त्रलाई खतरामा पर्न नदिने बताएका हुन् । केही सञ्चार माध्यमले आफ्नो दायित्व भुलेर जथाभावी गरिरहेकोमा प्रधानमन्त्री ओलीले असन्तुष्टी व्यक्त गरे । उनले सरकारलाई सजग गराउन र जनतालाई सचेत गराउन मिडियाको ठूलो भूमिका हुने बताए ।
नेपाल-भारत सम्बन्ध धेरै पुरानो : भारतीय प्रधानमन्त्री मोदी

नेपाल-भारत सम्बन्ध धेरै पुरानो : भारतीय प्रधानमन्त्री मोदी

अन्तर्राष्ट्रिय, मुख्य समाचार
काठमाडौं । भारतका प्रधानमन्त्री नरेन्द्र मोदीले आफ्ना छिमेकीहरुसँग धेरै वर्ष पहिलेदेखि गहिरो सम्बन्ध रहिआएको बताएका छन्। उनले सम्बन्ध हजारौं वर्षदेखि ऐतिहासिक, घनिष्ट, मित्रवत् र पारिवारिक रहेको कुरा 'टाइम्स अफ इन्डिया' ले जनाएको छ । आइतबार प्रकाशित अन्तर्वार्तामा मोदीले नेपालसँगको सम्बन्ध थप बलियो बनाउँदै लगेको प्रतिक्रिया दिएका छन्। 'नेपालसँग त भगवान् राम–सीता तथा गौतम वुद्धको पालादेखिको सम्बन्ध छ', मोदीले अन्तर्वार्तामा भनेका छन्, 'हामीले सुरक्षा, व्यापार, लगानी तथा विकासमा साझेदारी गर्दै त्यसलाई झनै बलियो बनाउँदै लगेका छौं। फलस्वरुप आज त्यो सम्बन्ध फराकिलो र गहिरो भएको छ। साथै, विश्वासिलो र परिपक्व पनि भएको छ।'
हेमबाबु बने राप्रपाकाे प्रदेश प्रवक्ता

हेमबाबु बने राप्रपाकाे प्रदेश प्रवक्ता

राजनीति
राष्ट्रिय प्रजातन्त्र पार्टीको ७ नम्बर प्रदेश प्रवक्तामा पार्टीका केन्द्रीय सदस्य हेमबाबु लेखक नियुक्त भएका छन् । पार्टीका अध्यक्ष कमल थापाले लेखकलाई प्रवक्ता नियुक्त गरेका हुन् । अखण्ड सुदूरपश्चिम अान्दाेलनका मुख्य याेजनाकार तथा साहित्यकार लेखक राप्रपाभित्र अध्यक्ष कमल थापा र महामन्त्री राजेन्द्र लिङ्देनका विश्वासपात्र मानिन्छन् । ७ नम्बर प्रदेशमा लेखक थापा र लिङ्देनका नजिकका नेता मानिन्छन् । साहित्यिक क्षेत्रमा समेत महत्त्वपूर्ण याेगदान पुरयाएका लेखकले कालापानीदेखि सुस्तासम्म माटाे बचाउ अभियान चलाएका थिए । उनका अाधा दर्जन पुस्तक प्रकाशित छन् । जानकारहरुका अनुसार मिलनसार स्वभावका लेखकको सम्बन्ध अन्य पार्टीका ठूला नेताहरुसित समेत सुमधुर रहेको छ । अहिले लेखककै परिकल्पना र सक्रियतामा बैतडी सदरमुकाममा पृथ्वीनारायण शाहको सर्वाधिक ठूलो शालिक निर्माण अभियान समेत सुरु भएको छ ।
अब महिलाको पनि विवाह गर्ने उमेर २० वर्ष

अब महिलाको पनि विवाह गर्ने उमेर २० वर्ष

काठमाडौं । हालसम्मको कानुनी व्यवस्थामा बहुविवाह र बालविवाह गर्नेलाई कानुनले सजाय दिन्थ्यो तर विवाह रद्द हुँदैनथ्यो । अब भने यस्तो विवाह रद्द नै हुनेछ । वि.सं. १९१० सालमा तत्कालीन श्री ३ प्रधानमन्त्री जंगबहादुर राणाले बनाएको मुलुकी ऐन विस्थापित गरी भदौ १ देखि लागू हुन लागेका ६ कानुनी संहिता र त्यससम्बन्धी कार्यविधिमा बालविवाह र बहुविवाहसम्बन्धी नयाँ व्यवस्था गरिएको हो । सर्वोच्च अदालतले ती संहिताका कतिपय प्रावधान संविधानअनुरूप बनाउन आदेश दिएपछि कानुन मन्त्रालयले संशोधन प्रस्ताव मन्त्रिपरिषद्मा पेस गरेको छ । केही दिनभित्रै संशोधन प्रस्ताव संसद्मा लैजाने सरकारको तयारी छ । कान्तिपुरमा खबर छ । देवानी र अपराध संहितामा विवाहसम्बन्धी प्रावधान बाझिएपछि सरकारले एकरूपता कायम गर्न संशोधन प्रस्ताव पेस गर्न लागेको हो । संशोधनअनुसार अब विवाह गर्न पाउने न्यूनतम उमेर २० वर्ष हुनेछ । ‘हालसम्म महिला
तीन हजार कर्मचारी कामविहीन !

तीन हजार कर्मचारी कामविहीन !

काठमाडौं । जिल्ला पशुसेवा कार्यालय काठमाडौंका वरिष्ठ पशु चिकित्सक डा. गौरीमान श्रेष्ठ दिनहुँ कार्यालय जान्छन्, हाजिर गर्छन् र घर फर्किन्छन् । गर्छु भने पनि अहिले उनलाई कुनै काम नै छैन । नयाँ आर्थिक वर्षदेखि जिल्ला पशुसेवा कार्यालयहरू खारेज भएपछि त्यहाँ कार्यरत कर्मचारीलाई सरकारले समायोजन गर्न नसक्दा कामविहीन भएका हुन् । ‘सधैँ कार्यालय पुग्छु, हाजिर गर्छु र घर फर्किन्छु,’ श्रेष्ठले भने । श्रेष्ठ मात्र होइन खारेज भएका देशभरका सरकारी कार्यालयका तीन हजारभन्दा बढी कर्मचारीले करिब एक महिनादेखि काम पाएका छैनन् । ‘अरूले देख्दा त क्या मोज छ कर्मचारीलाई भन्ने छ, तर धेरै दिन काम नहुँदा र त्यत्तिकै घर फर्कनुपर्दा हामीलाई झ्याउ नै भैसक्यो,’ डा. श्रेष्ठले भने । नयाँ पत्रिकामा खबर छ । खारेजीमा परेका विभाग तथा जिल्ला कार्यलयमा कार्यरत कर्मचारीको समायोजन समयमै हुन नसक्दा सयौँ कर्मचारीहरू कामविहीन भएक
कक्षा १२ को परीक्षाफल सार्वजनिक

कक्षा १२ को परीक्षाफल सार्वजनिक

शिक्षा
भक्तपुर । राष्ट्रिय परीक्षा बोर्ड सानोथिमिले कक्षा १२ को नियमित तथा आंशिकतर्फका परीक्षार्थीको परीक्षाफल सार्वजनिक गरेको छ। परीक्षामा नियमिततर्फ दुई लाख ९९ हजार ६७५ परीक्षार्थी सहभागी भएकामा ३.६१ देखि ४ सम्म ल्याउने एक हजार १६९, ३.२१ देखि ३.६० ल्याउने ११ हजार २२१, २.८१ देखि ३.२० ल्याउने २७ हजार ६४३, २.४१ देखि २.८० ल्याउने ५८ हजार ३४५, २.१ देखि २.४० ल्याउने ९० हजार २९९, १.६१ देखि २ ल्याउने ६६ हजार ४३८, १.२१ देखि १.६० ल्याउने २२ हजार ७३४, ०.८१ देखि १.२० ल्याउने चार हजार ४८७, ०.०० देखि ०.८० ल्याउने १९९ जना छन्। त्यस्तै परीक्षामा कुनै एक विषयमा अनुपस्थित रहेका १७ हजार ४० विद्यार्थी छन्। त्यसैगरी आंशिकतर्फ एक लाख १७ हजार ४१४ परीक्षार्थी सहभागी रहेकामा ४१ हजार ३२५ अर्थात् ३५.२ प्रतिशत परीक्षार्थी उत्तीर्ण भएको बोर्डका उपाध्यक्ष चन्द्रमणि पौडेलले जानकारी दिए।रासस
error: Content is protected !!