विश्व च्याम्पियनसिपका लागि बझाङका रोकाया काजख्स्तान प्रस्थान

मा प्रकाशित


नरेन्द्र बिष्ट,
बैतडी ।

नेपाल क्योकुशिन संघका केन्द्रीय अध्यक्ष पुष्पलाल रोकाया अन्तर्राष्ट्रिय प्रतियोगितामा सहभागीता जनाउन काजख्स्तान प्रस्थान गरेका छन्।

काजख्स्तानको राजधानी अस्तानामा कात्तिक १७ र १८ गते आयोजना हुने दोस्रो केडब्ल्यूएफ क्योकुशिन विश्व च्याम्पियनसिपमा सहभागीता जनाउन उनी बिहीबार त्यसतर्फ प्रस्थान गरेका हुन् ।

जापान, अमेरिका, क्यानडा, अष्ट्रेलिया, चीन, रुस, स्पेन, फ्रान्स लगायत ४७ देशका १ हजार २ सय खेलाडीले प्रतिस्पर्धा गर्ने उक्त च्याम्पियनसिपमा नेपालबाट रोकाया मात्र सहभागी छन् । उनी २१ कात्तिकमा स्वदेश फर्कने कार्यक्रम छ ।

एक युवा जसले खेल क्षेत्रमा बझाङ जस्तो दुर्गम जिल्लामा खेलकुद क्षेत्रमा ठूलो योगदान पुर्‍याए ।

बझाङमा लामो समयदेखि बुदो कैदो फुलकन्ट्याक खेलाउँदै आएका पुष्पलाल रोकायाले क्योकुशिन नामक खेल भित्र्याएर बझाङमा केन्द्रिय कार्यालय रहने गरि सुरुवात गरेका छन् ।

ब्ल्याक बेल्टसहित पाँच उपाधि पाएका रोकायाले यस खेलको तदर्थ समितिसमेत गठन गरि खेल सुरु गरिरहेका छन्।

खेलाडीलाई खेल मैदानको अभाव, खेलप्रति हेर्ने दृष्टिकोण लगायतका समस्यालार्इ पछ्याउँदै आएका खेलाडीको योगदानबाट राष्ट्रिय खेलमा उपाधि जित्ने भइसकेका छन् ।

नेपाल क्योकुशिन संघका केन्द्रिय अध्यक्ष रोकायाले बझाङ जस्तो दुर्गम ठाँउबाट खेलको विकास गरि देशभरि यसका शाखा विस्तार गर्ने ठूलो सपना देखेका छन् ।

सन् १९२३ जुलाईमा जापानका खेलाडी सोईडमाउत्सी ओयमटेन्डनले यस खेलको सुरु गरेका थिए । अहिले विश्वका धेरै देशहरुमा यसको नेटवर्क विस्तार भइसकेको छ ।

नेपालमा यस खेलको सम्बन्धन १९१८ मार्चमा लिएर २०७५ सालमा मात्र शुरु भएको रोकायाले बताए ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

%d bloggers like this: