एप्पलले एकैपल्ट गर्‍यो तीन आइफोन सार्वजनिक, यस्ता छन् विशेषता

मा प्रकाशित


एप्पलले बुधबार आफ्नो वार्षिक लञ्चिङ इभेन्टमा पहिलोपटक ड्युअल सिम सपोर्ट गर्ने आइफोन सार्वजनिक गरेको छ । कम्पनीले यस्तो विशेषता भएका दुई मोडल आइफोन एक्सएस र एक्सएस सार्वजनिक गरेको हो ।

यस्तै, उक्त इभेन्टमा कम्पनीले एउटा सिङ्गल सिम मोडेल समेत सार्वजनिक गरेको छ । आइफोन एक्सआर नाम दिएको उक्त मोडेलमा एउटा सिम लाग्छ । कम्पनीले एप्पल वाचको चौथो सिरिजमा निकै ठूलो परिवर्तन गर्दै कम्पनीले नयाँ हेल्थ फिचर दिएको छ । यसमा ३० सेकेन्डभित्र इसिजी गर्न सकिन्छ । संसारको १६ देशमा १४ सेप्टेम्बरदेखि एप्पल वाचको बिक्री सुरु हुनेछ । यस्तै, तीन नयाँ आइफोन भने सेप्टेम्बर २८ तारिखदेखि २१ देशमा उपलब्ध हुनेछ ।

संसारमा दुई अर्ब आइओएस डिभाइसः

एप्पलका सिइओ टिम कुकले कार्यक्रमको प्रमुख वक्ताका रूपमा बोल्दै यतिबेला संसारभरि दुई अर्ब आइओएस डिभाइस रहेको बताए । उनका अनुज्सार यसले मानिसहरूको जीवनशैली परिवर्तन भइरहेको छ । उनले फायर, वाटर र वेपर फेस डिस्प्लेसहित एप्पल वाचका तीन मोडेल सार्वजनिक गरे । वाचको डिजिटल क्राउनलाई पूर्ण रुपमा पुनः डिजाइन गरिएको छ । स्पिकर पहिलेको भन्दा ५० प्रतिशत लाउड बनाइएको छ ता कि फोन कलमा पनि राम्रो आवाज सुनियोस् ।

मुटुको गति नाप्न र इसीजी गर्न सकिने

नयाँ एप्पल वाच लगाउनेहरुको चाल पनि डिटेक्ट गर्नेछ । इमर्जेन्सी वा दुर्घटना हुँदा यसले आफन्तलाई आफै एसओएस मेसेज पठाउनेछ । सिरिज–थ्रीको तुलनामा यसमा ३५ प्रतिशत ठूलो डिस्प्ले दिइएको छ र यसको क्षमतामा पनि दोब्बर वृद्धि गरिएको छ । यसपटक वाचमा मुटुको गती मापन गर्नुका साथै इसिजीको विशेषता पनि दिइएको छ । यसको मद्दतले जता पनि ३० सेकेन्डभित्र मुटुको इसिजी लिन सकिने जसलाई एपमा देख्न सकिनेछ ।

विश्वको नम्बर वान स्मार्टफोन

एप्पल वाचपछि टिम कुकले आइफोन एक्सएस र एक्सएस म्याक्स सार्वजनिक गरे । उनले आइफोन विश्वकै नम्बर वान स्मार्टफोन बताए । उनका अनुसार आइफोनका प्रयोगकर्ता ९८ प्रतिशत सन्तुष्ट छन् । कुकले आइफोन एक्सलाई अहिलेसम्मको सबैभन्दा सुन्दर आइफोन बताए । यो ५.८ इन्चको रेटिना डिस्प्लेसहित गोल्ड, सिल्भर र कालो रङमा उपलब्ध छ । यसको ग्लास सबै स्मार्टफोनमा सबैभन्दा टिकाउ हुने उनले बताएका छन् ।

सबैभन्दा ठूलो आइफोनः एक्सएस म्याक्स पी

एप्पलका सिइओका अनुसार एक्सएस म्याक्स ६.५ इन्चको रेटिना डिस्प्ले भएकमो अहिलेसम्मको सबैभन्दा ठूलो आइफोन हो । यो कुनै पनि स्मार्टफोनको तुलनामा सबैभन्दा सुरक्षित फेस आइडी डिटेक्शन हुनेछ । यी दुई नयाँ आइफोन न्यूरल इन्जिन, फोर–कोर जिपियु र सिक्स–कोर सिपियु प्रविधीमा आधारित हुनेछ जसका कारण यी पहिलेको भन्दा निकै द्रुत फतिका हुने विश्वास गरिएको छ । यी थोरै इनर्जीमा चल्नसक्ने बताइएको छ । यी दुई फोनमा ५ ट्रिलियन अपरेशन प्रति सेकेन्ड हुने दाबी गरिएको छ । यसमा ५१२ जीबीको अधिकतम स्टोरेज हुनेछ अर्थात् यसमा दुई लाख फोटो सेभ गर्न सकिनेछ ।

आइफोन एक्सआर : होम बटन नै छैन

एप्पलले तेस्रो नयाँ फोन आइफोन एक्सआर पनि लञ्च गऱ्यो । यसमा ६.१ इन्चको लिक्विड रेटिना डिस्प्ले हुनेछ । यो धुलो र पानीबाट सुरक्षित हुनेछ । यसमा होम बटन हुनेछैन । यसलाई चलाउनका लागि हेप्टिक टच नामको नयाँ फिचर दिइएको छ । यसमा सिंगल रियर क्यामरा दिइएको छ । यसमा एडभान्सबोकेह टेक्नोलोजीका साथ १२ एमपीको सिंगल क्यामरा हुनेछ । यसको ब्याट्री लाइफ समेत उत्कृष्ट हुने बताइएको छ ।

यस्तो छ मूल्यः

एप्पलले आइफोन एक्सआर म्याक्सको मूल्य १०९९ डलर, आइफोन एक्सएसको ९९९ डलर र आइफोन एक्सआरको ७४९ डलर तोकेको छ । यस्तै, एप्पलले आइफोन सेभेन र आइफोन एट को मूल्य घटाएको छ । यसको नयाँ मूल्य क्रमशः ४४९ डलर र ५५९ डलर तोकेको छ ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

%d bloggers like this: