जेलबाट छुटे सलमान खान

मा प्रकाशित


भारतको एक अदालतले सन् १९९८ मा दुर्लभ कृष्णसारको शिकार गरेकोमा दोषी ठहर गरिएका चर्चित बलिवूड अभिनेता सलमान खानलाई जमानत दिएको छ।

जमानतपछि उनी जेलबाट मुक्त भएका छन्।

भारतीय सञ्चारमाध्यम एनडीटिभीका अनुसार, प्रतिवादीले जनावरहरुको परीक्षण र प्रत्यक्षदर्शीहरुको बयानको विश्वसनीयतामाथि प्रश्न गरेका थिए।

बिहीवार राजस्थान राज्यको जोधपुरस्थित अदालतले सलमान खानलाई दोषी ठहर गर्दै पाँच वर्षको जेलसजाय सुनाएको थियो र १० हजार रुपैयाँ जरिवाना गराएको थियो।

फैसला
५२ वर्षीय खानले राजस्थानमा एउटा चलचित्र छायाङ्कनका क्रममा दुईवटा कृष्णसारहरु मारेको उक्त अदालतले फैसला गरेको थियो।

उनीसँगै सोही चलचित्रमा अभिनय गरेका र शिकार गरेको आरोप लागेका अन्य चार कलाकारहरु निर्दोष ठहर भएका छन्।

जोधपुर जेलमा दुई रात बिताएका खानले उच्च अदालतमा फैसलाका विरुद्ध पुनरावेदन गर्नेछन्।

न्यायाधीश रविन्द्र कुमार जोशीले जोधपुर अदालतमा उनलाई जमानत दिइएको जानकारी गराएका थिए।

बीबीसीका नीतिन श्रीवास्तवका अनुसार ठूलो संख्यामा मानिसहरु चर्को घामको वास्तै नगरी अदालतको भवनबाहिर उपस्थित भएका थिए।

खानले जमानत पाएको जानकारी सुन्नासाथ तिनीहरु नाच्नुका साथै खुसीले कराएका थिए।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

error: Content is protected !!