सात नम्बर प्रदेशको मुख्यमन्त्रीका लागि माओवादीबाट त्रिलोचन भट्ट सिफारिस

मा प्रकाशित


धनगढी ।
प्रदेश नं ७ को मुख्यमन्त्रीका लागि माओवादी केन्द्रले त्रिलोचन भट्टलाई सिफारिस गरेको छ ।

प्रदेश नं ७ मा मुख्यमन्त्री माओवादी केन्द्रलाई दिने सहमति भएसँगै डोटीबाट प्रदेशसभामा निर्वाचित सांसद भट्टलाई माओवादीले शुक्रबार पार्टीको प्रदेश कार्यालयबाट नाम सिफारिस गरेको हो ।

बिहीबारसम्म माओवादीभित्र भट्टसँगै कैलालीबाट निर्वाचित सांसद वीरभान चौधरी र दार्चुलाका सांसद मानबहादुर धामीको नाम चर्चामा थियो । प्रदेशसभामा उक्त दलबाट प्रत्यक्ष र समानुपातिक गरी १४ सांसद छन् ।

प्रदेश नं ७ को अस्थायी मुकाम धनगढीलाई नै कायम गर्ने गरी पहाडलाई मुख्यमन्त्री दिन सन्तुलन मिलाउने क्रममा भट्टलाई माओवादीले सिफारिस गरेको आँकलन गरिएको छ ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

%d bloggers like this: