प्राथमिक स्वास्थ्य केन्द्र पाटनमा ईसीजी र भिडियो एक्सरे सेवा संचालन

मा प्रकाशित


बैतडी ।

बैतडीको पाटन प्राथमिक स्वास्थ्य केन्द्रमा ईसीजी र भिडियो एक्सरे सेवा संचालनमा आएका छन् ।

सामाजिक स्वास्थ्य सुरक्षा विकास समिति (स्वास्थ्य बिमा) ले पाटन प्राथमिक स्वास्थ्य केन्द्रलाई ईसीजी र भिडियो एक्सरे मेशिन उपलव्ध गराएपछी ईसीजी र भिडियो एक्सरे सेवा संचालनमा आएका हुन् ।

यी सेवाहरु पाटनमै संचालनमा आएपछी बिरामीले बाहिर गएर उपचार गर्नुपर्ने समस्या हटेको प्राथमिक स्वास्थ्य केन्द्रका डा. नविन्द्र ढकालले बताउनुभयो ।

स्वास्थ्य बीमा कार्यक्रमले बैतडीमा जिल्ला अस्पताल, पाटन प्राथमिक स्वास्थ्य केन्द्र र केशरपुर प्राथमिक स्वास्थ्य केन्द्रलाई उपचार सेवा दिने अस्पतालमा सूचीकृत गरेको छ । स्वास्थ्य बीमा अन्तर्गत ईसीजी, भिडियो एक्सरे, एक्स–रे सेवा राखिएको छ । बैतडीमा विसं २०७३ पुस ७ गतेदेखि स्वास्थ्य बीमा कार्यक्रम लागू भएको थियो ।

त्यस्तै स्वास्थ्य बिमाले पाटन प्राथमिक स्वास्थ्य केन्द्रलाई एक्स–रे मेशिन उपलब्ध गराईसके पनि उक्त सेवा संचालन हुन् सकेको छैन । जनशक्ति अभावका कारण एक्स–रे सेवा संचालन हुन् नसकेको  हेल्थ असिष्टेन्ट लोकेन्द्र ऐरले बताउनुभयो । छिट्टै एक्स–रे सेवा संचालन गर्नका कर्मचारीलाई तालिम दिन पाटन नगर कार्यपालिकाले निर्णय गरि सकेको समेत उहाले बताउनुभयो ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

error: Content is protected !!