एमालेले गठन गर्‍यो मुख्यमन्त्री छान्न तीन सदस्यीय कमिटी

मा प्रकाशित


काठमाडौं ।
एमालेले तीन प्रदेशमा मुख्यमन्त्री चयनका लागि छुट्टै कमिटी गठन गर्ने भएको छ । वामगठबन्धनले प्रदेश सरकार निर्माण गर्ने पक्का भएका ६ मध्ये ४ प्रदेशको सरकारको नेतृत्व गर्ने अवसर पाएको एमालेले छुट्टै कमिटि गठन गर्न लागेको हो ।

प्रदेश–५ मा एमाले नेता शंकर पोखरेल संसदीय दलको नेता चयन भइसकेका छन्। त्यसैले, एमालेले तीन वटा प्रदेशमा मात्र कमिटी गठन गरेर प्रदेश सभाका संसदीय दलको नेता चयन गर्ने भएको हो।

२४ माघमा राष्ट्रिय सभा निर्वाचन सकिएलगत्तै एमाले प्रदेश सभा संसदीय दलको बैठक आयोजना गरिनेछन्। र, त्यही बैठकले प्रदेश सभामा संसदीय दलको नेता चयन गर्ने निर्णय एमाले स्थायी समितिले गरेको छ।

प्रदेश–५ मा भने पोखरेललाई नै एमाले प्रदेश सभा संसदीय दलले संसदीय दलको नेता चयन गरिसकेको छ। त्यसैले, माओवादी केन्द्रको औपचारिक समर्थन पाउनासाथ पोखरेल त्यहाँको मुख्यमन्त्री चयन हुनेछन्।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

error: Content is protected !!