ईश्वर जोशीको कविता : बाध्यता

मा प्रकाशित


  • ईश्वर जोशी

आसा अज्ञात रोगको सिकार भयो
विश्वास आत्महत्याको तयारीमा छ
आतङ्क खुला सडकमा नाचिरहेछ
मानौ ऊ नै यस देशको भावी सम्राट हो ।
पिडा राज्यारोहणको भोज दिइरहेछ,
अन्याय उसको पहरा दिइरहेछ ,
तिमी भन्छौ सुन्दर भविष्यको परिकल्पना गर ।१
……………………………………….
प्रेम दासताको दाम्लोले बाँधिएको छ
मानवता पागलखानामा भेजिएको छ
करुणाको आँखामा खुर्सानीको धुलो हालिएको छ
दया त गल्ली गल्लीमा हात थापिरहेछ ,
क्रुरताका पुजारीहरु शान्तिको बलि दिँदै
पशुपतिमा घमण्डको भेटि चढाइ रहेछन्
तिमी भन्छौ हृदयको पुकार धरतीमा मिसाऊ
मानौ म बाध्यताको एक मात्र सन्तान हुँ ।२
[email protected]

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

%d bloggers like this: