स्थानीय तह निर्वाचनपछि साढे १३ लाख मतदाता थपिए

मा प्रकाशित


काठमाडौं ।
स्थानीय तहको निर्वाचनपछि देशभर साढे १३ लाखभन्दा बढी मतदाता थपिएका छन् । स्थानीय तह निर्वाचनमा १ करोड ४० लाख ७२ हजार ४१९ मतदाता थिए । निर्वाचन आयोगले असोज १७ गते अध्यावधिक गरेको अन्तिम मतदाता नामावली १३ लाख ५५ हजार ५ सय १६ नयाँ मतदाता थपिएका छन् ।

आयोगले स्थानीय तहको निर्वाचन सकिएपछि १८ वर्ष पुगेका र मतदाता नामावलीमा नाम छुटेकाका लागि मतदाता नामावली संकलन गरेको थियो । पछिल्लो मतदाता नामावलीमा सबैभन्दा बढी मतदाता मोरङ, काठमाडौं, कैलाली, सुनसरी, दाङ, काभ्रे र चितवनमा थपिएका छन् ।

आयोगले मंसिर १० र २१ मा हुने प्रतिनिधि र प्रदेश सभा निर्वाचनका लागि १ करोड ५४ लाख २७ हजार ९३५ जनाको मतदाता नामावली कायम भएको जनाएको छ ।

आयोगका अनुसार प्रदेश र प्रतिनिधि सभा निर्वाचनका लागि कायम भएको मतदाता नामावलीमा महिलाभन्दा बढी पुरुष मतदाता रहेका छन्। पुरुषभन्दा महिला मतदाता एक लाख २५ हजार ४३१ कम छन् । आयोगले तयार पारेको अन्तिम मतदाता नामावलीमा ७७ लाख ७६ हजार ४९६ पुरुष मतदाता छन् भने महिला मतदाताको संख्या ७६ लाख ५१ हजार ६५ छ ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

%d bloggers like this: