Facebook Twitter Google+ Google+
DHO

अनन्त पुनमाथि गोली प्रहारको प्रयास

thumbAdvertise Here

लिबाङ । प्रतिनिधिसभा सदस्य उम्मेदवार वर्षमान पुन ‘अनन्त’लाई लक्षित गोली प्रहार भएको छ । चुनावी अभियानका क्रममा रहेका पुनमाथि एम्बुस विष्फोट गराइएको २४ घण्टा नबित्दै उनीमाथि आइतबार गोली प्रहार भएको हो ।
गठबन्धनको तर्फबाट उम्मेदवार बनेका नेकपा माओवादी केन्द्रका नेता पुन दुईखोली गाउँपालिका– ६, वागमारामा आयोजित चुनावी सभालाई सम्बोधन गर्न जाने क्रममा आइतबार बिहान ११ बजेर २५ मिनेट जाँदा पेस्तोलबाट गोली प्रहार भएको प्रहरीले जनाएको छ । दुईखोला गाउँपालिका–३ केउरी खोलाको जंगलबाट अज्ञात व्यक्तिले पेस्तोलबाट गोली हानेको प्रहरीको भनाइ छ । एक राउण्ड फायरिङ भएको र प्रहरीले जवाफी फायरिङ गरेको बताइएको छ ।
भीरबाट ढुंगामुढा समेत पल्टाएर पुनलाई बाटोमै अवरोध गर्न खोजिएको थियो । चुनावी सभामा सहभागी हुनका लागि प्रतिनिधिसभाका उम्मेदवार अनन्त, प्रदेशसभा उम्मेदवार एवं माओवादी केन्द्रका पोलिटब्यूरो सदस्य दीपेन्द्र पुन, समानुपातिक उम्मेदवार जयपुरी घर्ती, ईश्वरी घर्ती, कुमार दशौदी, एमालेका पोलिटब्यूरो सदस्य एवं सचेतक गोकुल घर्ती, एमाले जिल्ला अध्यक्ष हरीप्रसाद घर्ती साथमै थिए ।
एम्बुस विष्फोट र पेस्तोल पड्काइएको बारे अझसम्म कसैले जिम्मेवारी भने लिएको छैन । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीले घटना गराएको हुन सकने प्रहरीले आशंका छ । गाउँगाउँमा चुनावी सभामा रहेका वाम गठबन्धनका उम्मेदवारलाई लक्षित गरेर बिस्फोट हुन थालेपछि जिल्लामा सुरक्षा चूनौती थपिएको छ ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)
Advertise Here





सम्बन्धित सामग्री

  • स्थानीय तह निर्वाचनपछि साढे १३ लाख मतदाता थपिए
  • वाम गठबन्धनको घोषणापत्र सार्वजनिक
  • मनोनयन दर्ताका लागि सम्पूर्ण तयारी पूराः निर्वाचन आयोग
  • राप्रपाका नेता लख्खाभाइ लगायत कांग्रेस-राप्रपाका तीन दर्जन नेता कार्यकर्ता एमाले प्रवेश
  • देउवा पत्नी आरजु कैलाली–५ बाट चुनाव लड्ने
  • ‘ताप्लेजुङ–दार्चुला चुनावी अभियान’ सञ्चालन गर्दै वाम गठबन्धन
  • निर्वाचनका लागि युवा संघ र वाइसिएलको संयुक्त समिति
  • ४५ जिल्लामा निर्वाचन अधिकृतको कार्यालय स्थापना