यमपञ्चकको तेस्रो दिन आज लक्ष्मीपूजा

मा प्रकाशित


काठमाडाै‌ँ ।
तिहारको तेश्रो दिन आज साँझ ऐश्वर्य, धनधान्य र सम्पन्नताकी देवी लक्ष्मीको पूजा आराधना गरी श्रद्धा भक्तिपूर्वक लक्ष्मीपूजा गरिदैँछ ।

धार्मिक मान्यताका आधारमा घर सफासुग्घर र लिपपो गरी साँझ दीपावली गरेर लक्ष्मीलाई आमन्त्रण गरिन्छ। विशेषगरी घरका झ्याल, ढोका, चोटा, कोठा, सङ्घार, कौसी, अटाली, भर्या‍ङलगायतका स्थानमा सरसफाइ गरी साँझ दीप प्रज्ज्वलन गरिन्छ।

लक्ष्मीपूजापछि कन्या केटी र छोरी चेलीलाई लक्ष्मीको प्रतीक मानी पूजा गरी दक्षिणासमेत दिने प्रचलन रही आएको छ । आज घरमा लक्ष्मीपूजा गरेपछि धनदौलत वा अन्य सामान घरबाहिर पठाए लक्ष्मी बाहिर जान्छिन् भन्ने धार्मिक विश्वास समेत रही आएको छ ।

आज साँझ विभिन्न उमेर समूहका व्यक्तिहरुले घरघरमा गएर भैलो खेलेर रमाइलो गर्छन् । आज भैलो खेल्न आउनेलाई धान, चामल, फूलमाला, पैसा र सेलरोटीसमेत दिने गरिन्छ । भैलो खेल्न आउनेलाई दान दिएमा पुण्य प्राप्त हुने धार्मिक विश्वास रही आएको छ । धार्मिक परम्पराअनुसार कतै आजै बिहान गाईको पूजा गर्ने प्रचलन समेत छ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

%d bloggers like this: