देउवा पत्नी आरजु कैलाली–५ बाट चुनाव लड्ने

मा प्रकाशित


काठमाडौं ।
प्रधानमन्त्री शेरबहादुर देउवाकी पत्नी आरजु राणा कैलाली क्षेत्र नम्बर ५ बाट प्रत्यक्ष चुनाव लड्ने भएकी छिन्।

अघिल्लो पटक समानुपातिक प्रणालीतर्फबाट सांसद बनेकी आरजु यो पटक भने प्रतिनिधि सभा सदस्यका लागि प्रत्यक्ष चुनाव लड्न लागेकी हुन्।

कैलाली क्षेत्र नम्बर ५ कांग्रेस बाहुल्य क्षेत्र हो, जुन क्षेत्रबाट अघिल्लो संविधान सभा निर्वाचनमा प्रधानमन्त्री देउवा विजयी भएका थिए।

सोमबार बसेको संसदीय समितिको बैठकले देउवा पत्नी आरजुलाई यस क्षेत्रबाट प्रतिनिधि सभाका लागि टिकट दिने निर्णय गरेको हो।

अघिल्लो निर्वाचनमा ६ वटा निर्वाचन क्षेत्र भएको कैलालीमा यो पटक पाँच वटा निर्वाचन क्षेत्र कायम गरिएको छ।

आरजु मंगलबार धनगढी आउने कार्यक्रम रहेको छ । आरजुले धनगढीबाट चुनाव लड्ने भएपछि यस क्षेत्रका कांग्रेस नेता कार्यकर्ताहले सामाजिक सन्जालमार्फत उनलाई स्वागत गरेका छन् ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

error: Content is protected !!