राजपा सबै निर्वाचनमा सहभागी हुने

मा प्रकाशित


काठमाडौं, ९ भदौ ।
राष्ट्रिय जनता पार्टी नेपालले स्थानीय तहसहित प्रदेश र प्रतिनिधिसभा निर्वाचनमा सहभागी हुने भएको छ । पहिलो र दोस्रो चरणको स्थानीय तह निर्वाचन बहिष्कार गरेको राजपा नेपालले सबै निर्वाचनमा सहभागी हुने घोषणा गरेको हो ।

राजपा नेपालको पदाधिकारी बैठकले गरेको निर्णय बिहीबार बबरमहलस्थित पार्टी केन्द्रीय कार्यालयमा सार्वजनिक गर्दै संयोजक महन्थ ठाकुरले पार्टी स्थानीय तह तेस्रो चरणको निर्वाचनका साथै प्रदेशसभा र प्रतिनिधिसभाको निर्वाचनमा समेत सहभागी हुने बताएका हुन् । संविधान संशोधनसहित विभिन्न माग गर्दै आन्दोलनरत राजपा नेपाल केही माग पूरा भएको र बाँकी माग मुद्दाका रूपमा लिएर जनताका बीचमा जाने निष्कर्षमा पुगेको हो ।

महिनौंदेखि अड्काएर राखिएको संविधान संशोधन विधेयकलाई संसद्मा निर्णयार्थ प्रस्तुत गरिएको, स्थानीय तहको संख्या बढाउने, शहीद घोषणा, क्षतिपूर्तिलगायतका माग सरकारले पूरा गरेकाले निर्वाचनमा सहभागी हुने उनले बताए ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

error: Content is protected !!