डम्पिङ साईड निर्माण गर्ने प्रयास असफल

मा प्रकाशित


बैतडी, ३१ जेठ ।

दुई दसक अघि दशरथचन्द नगरपालिका स्थापना भएदेखि नै सडक छेउमा फाल्ने गरिएको फोहोर अझै ब्यवस्थापन गर्न सकिएको छैन ।

बैतडी सदरमुकाम गोठालापानी नजिकै फाल्ने गरिएको फोहोर ब्यवस्थापनका लागि डम्पिङ साईड निर्माण गर्ने योजना सुरु देखि बन्दै आएपनि त्यसले हाल सम्म पूर्णता पाएको छैन् ।

केही दिन अघि प्रमुख जिल्ला अधिकारी तुलसीराम पौडेलले एक हप्ताभित्र अस्थाई रुपमा देहिमाण्डौं नजिकको क्षेत्रमा फोहोर ब्यवस्थापन गर्ने निर्देशन दिएपनि स्थानीयको अवरोधले गर्दा पुरा हुन सकेन् ।

गोठालानी बजार नजिकैमा फाल्ने गरिएको फोहोर सफा गरेर अवदेखि त्यँहा नफाल्ने भनिएपनि पुनः सोही ठाउँमा फोहोर फाल्न सुरु गरिएको छ ।

दशरथचन्द नगरपालिकाले डम्पिङ साइडको लागि जग्गा खोज्ने प्रयास दजैनौंचोटी गरिसकेको छ तर सधैजसो त्यस्तो प्रयास तुहिने गरिएको बैतडी सदरमुकामका स्थानीय बासिन्दा शेर सिंह भण्डारीले बताउनुभयो ।

दशरथचन्द नगरपालिकाका कार्यकारी प्रमुख अर्जुन शर्माले जग्गा अभावका कारण सडक छेउमै फोहोर फाल्नुपर्ने बाध्यता रहेको बताउनुभयो ।

उहाँले तत्काल देहिमाण्डौं नजिकको क्षेत्रमा फोहोर ब्यवस्थापन गर्ने निर्णय भएपनि स्थानीयको अवरोधले उक्त प्रयास सफल हुन नसकेको बताउनुभयो ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

error: Content is protected !!