Facebook Twitter Google+ Google+
DHO

बैतडीमा २६ हजार मेट्रिक टन गहुँ उत्पादन हुने अनुमान

gahuAdvertise Here

विनोद सिंह विष्ट,
बैतडी, १५ वैशाख ।

यस बर्ष बैतडीमा २६ हजार मेट्रिक टन गहुँ उत्पादन हुने अनुमान गरिएको छ । जिल्लाको २० हजार ९ सय हेक्टर जमीनमा गहुँ खेती गरिएकोमा २६ हजार ३३४ मेट्रिक टन उत्पादन हुने जिल्ला कृषि विकास कार्यालय बैतडीका योजना अधिकृत कर्ण बहादुर चन्दले जानकारी दिनुभयो ।

कृषि विकास कार्यालय बैतडीले यो बर्ष ४२ हजार बढी मेट्रिक टन गहुँ उत्पादन गर्ने लक्ष्य राखेको भएपनि समयमै पानी नपर्दा तथा खडेरीले उत्पादनमा कमी आउने जनाएको छ ।

गत वर्षको तुलनामा उत्पादन भएको भन्दा यसपाली भने गहुँको उत्पादन वृद्धि हुने भएको छ । गएको बर्ष बैतडीमा १७ हजार ५६७ मेट्रिक टन गहुँ उत्पादन भएको थियो । गत बर्ष भन्दा मौसम अनुकुलताका कारण यो वर्ष गहुँ उत्पादन केही राम्रो हुने अनुमान गरिएको योजना अधिकृत चन्दले बताउनुभयो ।

गतबर्ष ०.८४ प्रतिशत मेट्रिक टन प्रतिहेक्टर गहुँ उत्पादन भएकोमा यस बर्ष १२६ प्रतिशतका दरले उत्पादन हुने अनुमान छ उहाँले भन्नुभयो “यो बर्ष गहुँका लागि अनुकुल समयमा बर्षात भयो त्यसले उत्पादन बढेको रिपोर्ट आएको छ” ।

जिल्लाको पाटन नगरपलिका, दशरथचन्द नगरपालिका, मेलौली नगरपालिका , सुर्नया गाँउपालिका लगाउतका क्षेत्रमा गहुँको उत्पादन बढी हुने गरेको छ ।

बैतडीको अधिकांस क्षेत्रमा गहुँ भित्र्याई सकेको भएपनि केही क्षेत्रमा बाँकी रहेको जिल्ला कृषि विकास कार्यालयले जनाएको छ ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)
Advertise Here





सम्बन्धित सामग्री

  • ४ हजार मेगावाटका ४१ आयोजना खारेज हुने
  • टमाटरको अभाव, व्यापारीको मनपरी भाउ, उपभोक्ता मारमा
  • डडेल्धुराको भागेश्वरमा बदेल आतंक
  • वर्षा सुरु भएसँगै बैतडीका विभिन्न ठाउँमा जेठमै रोपाइँ
  • असिनाले कृषि क्षेत्रमा साढे दुई करोडको क्षति, खाद्यान्न संकट हुनसक्ने
  • माटोमा छापो किन ?
  • बैतडीमा २६ हजार मेट्रिक टन गहुँ उत्पादन हुने अनुमान
  • बैतडीमा गहुँ भित्र्याउने चटारो