फेसबुकबाट ठगिए उजुरी गर्न सिआइबीको अनुरोध

मा प्रकाशित


काठमाडौँ, ९ वैशाख । नेपाल प्रहरीको केन्द्रीय अनुसन्धान ब्युरोले सामाजिक संजाल फेसबुकबाट कसैले ठगेमा फोन नम्बर, मोबाइल नम्बर र इमेल ठेगानामा उजुरी गर्न सबैलाई आग्रह गरेको छ।

फेसबुकलगायतका विभिन्न सामाजिक संजालहरु मार्फत विगत केही समय यता अपरिचित व्यक्तिहरुले विभिन्न बहानामा आत्मियता बढाउँदै लगी ठग्ने काम भइरहेको ब्युरोले जनाएको छ।

ब्युरोका अनुसार ठगीमा माया प्रेमको नाटक गर्ने, विदेशमा राम्रो जागिर लगाईदिने भनी प्रलोभन देखाउने, चिट्टा वा गोलाप्रथा परेको भनी सन्देश पठाउने, आफन्त तथा साथीभाइको समस्या देखाई पैसा माग्ने, सस्तो वा सहुलियत ऋणको प्रचार गर्ने, विभिन्न नेटवर्किङ व्यवसायमा आवद्ध गर्ने आदि प्रवृत्ति प्रमुख रुपमा देखिएका छन्।

प्रहरीले कोही कसैले उल्लेखित प्रलोभन देखाएमा वा कोही उपर शंका लागेमा नजिकको प्रहरी कार्यालय वा केन्द्रीय अनुसन्धान व्यूरोको फोन नम्वर ०१४४११७७६ वा ९८५१२८३१४० मा सम्पर्क गर्नुहुन वा व्यूरोको इमेल ठेगाना cib@nepalpolice.gov.np मा पठाउनसमेत सिआइबीले अनुरोध गरेको छ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

error: Content is protected !!