Facebook Twitter Google+
DHO

चुनाव चिह्न पानको पातदेखि बाँदरसम्म

thumb

स्थानीय तह निर्वाचनमा सिन्धुपाल्चोकमा ११ राजनीतिक पार्टीले मात्र दलीय चुनाव चिन्ह पाएका छन्। चुनावी प्रयोजनका लागि जिल्ला निर्वाचन कार्यालयमा २० दल दर्ता छन्।

संसदमा प्रतिनिधित्व गर्ने पार्टीले मात्र दलीय चुनाव चिन्ह पाएका छन्। संसदमा प्रतिनिधित्व नगरेका बाँकी ९ दललाई निर्वाचन आयोगले स्वतन्त्र उम्मेदवारको हैसियतमा चिन्ह दिएको छ। आयोगले सिन्धुपाल्चोकका लागि क्रम संख्या ३६ भएको चिन्हसहितको मतपत्र छापेको छ।

समानुपातिक मतका आधारमा संसदमा प्रतिनिधित्व गर्ने दललाई क्रम संख्या १ देखि ११ सम्म लहरका चिन्ह छुट्याइएको छ। ११ देखि २० क्रमसंख्यासम्मको लहरका चिन्ह जिल्लामा दर्ता भएका तर संसदमा प्रतिनिधित्व नगर्ने दलका लागि व्यवस्था गरिएको छ। उनीहरुलाई फरक फरक चिन्ह दिइएको छ।

आयोगले जिल्लामा दर्ता भएका नेपाल दलित पार्टी, ताम्सालिङ राष्ट्रिय जनएकता पार्टी, नयाँशक्ति पार्टी, राष्ट्रिय शिवसेना पार्टी, नेपाल जनता पार्टी, नेपाल पूर्वराष्ट्रसेवक लोकतान्त्रिक पार्टी, नेपाल कम्युनिष्ट पार्टी माले समाजवादी, चुरेभावर लोकतान्त्रिक लगायतले दलीय चुनाव चिह्न पाउन सकेनन्। स्वतन्त्र उम्मेदवारको आँकलन गरी आयोगले जिल्लाका लागि मतपत्रको क्रम संख्या २१ देखि ३६सम्मको लहरमा चुनाव चिह्नको व्यवस्था गरेको छ।

आयोगले स्वतन्त्र उम्मेदवारलाई दिएका चुनाव चिह्न निकै रोचक रहेका छन्। पानको पात, सियोधागो, हुप, सुई, बाँदर, काग, भ्यागुतो, गंगटो, चल्ला, ढिकी, फर्सी, बिरालो, छुरा, दाह्री काट्ने मेसिन लगायत धेरै चुनाव चिह्न मतदातालाई हँसाउने खालका छन्। यो समाचार आजको नागरिक दैनिकमा छ ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)





सम्बन्धित सामग्री

  • करौडौं खर्चेर भत्काइएका छाउगोठ फेरि ठडिए
  • स्थानीय तहमा जान मानेनन् कर्मचारी
  • मतदाता शिक्षामा ७५ करोड
  • भारतीय प्रस्ताव नेपालद्वारा अस्वीकार
  • एक अर्बको सफ्टवेयर आठ महिनामै बेकामे
  • ४१ अर्ब फ्रिज, भूकम्पपीडितले पाएनन् रकम
  • राप्रपा र फोरमलाई बाहिरै राखेर भोलि सरकार बिस्तार
  • ३५ वर्षको उमेरमा १८ औं पटक सुत्केरी