Facebook Twitter Google+ Google+
Dipawali
DHO

सहिद दशरथचन्द स्मृती यू-१९ क्रिकेट : त्रिलोचन र एकेडेमी विजयी

thumbAdvertise Here

विनोद सिंह विष्ट,
बैतडी, ११ माघ ।

बैतडीमा जारी सहिद दशरथचन्द स्मृती यू-१९ आमन्त्रण क्रिकेट प्रतियोगिताको तेश्रो दिन त्रिलोचन क्रिकेट क्लव र आयोजक दशरथचन्द एकेडेमी क्रिकेट क्लव विजयी भएका छन ।

सोमवार निङ्गलाशैनी खेल मैदान देहिमाण्डौंमा सम्पन्न खेलमा एनआरवाईसी बठ्ठालाई ४ विकेटले पाखा लगाउदै त्रिलोचनले पहिलो जित दर्ता गरेको छ ।

टस जितेर ब्याटिङ्ग रोजेको बठ्ठाले सुनिल चन्दको ३५ रनको मद्दतले २४ दशमलव ४ ओभरमा १४७ रन बनायो । त्रिलोचनका युवराज जोशीले ३ विकेट हात पारेका थिए ।

१४८ रनको विजयी लक्ष्यका साथ मैदान उत्रेको त्रिलोचनले २१ दशमलव २ ओभरमा ६ विकेटको क्षतीमा लक्ष्य भेट्टायो । अनिल पुजाराले ४४ तथा युवराज जोशीले ३९ रनको योगदान गरेका थिए । बठ्ठाका लागी तिलक चन्दले ६ विकेट हात पारेपनि हार टार्न सकेन । ब्यक्तिगत ३९ रन तथा ३ विकेट हात पार्ने त्रिलोचनका युवराज जोशी म्यान अफ द म्याच घोषित भएका स्कोरर निरञ्जन बोहराले जानकारी दिनुभयो ।

उता बुढाबाजे क्रिकेट मैदान रातामाटामा सम्पन्न खेलमा जगन्नाथ क्रिकेट क्लवलाई १३ रनले स्तब्ध पार्दै प्रतियोगिताबाटै बाहिरिसकेको आयोजक दशरथचन्द एकेडेमी क्रिकेट क्लवले सान्त्वना जित हात पारेको छ ।

टस जितेर ब्याटिङ्ग गरेको एकेडेमीले उत्तम चन्दको सर्वाधिक ३२ तथा अभिषेक चन्दको २० रनको मद्दतले १७ दशमलव ५ ओभरमा १२९ रन बनाएको थियोे ।
जगन्नाथका मनोज ऐरीले ४ विकेट हात पारेका थिए ।

१३० रनको विजयी लक्ष्यका साथ मैदान उत्रेको जगन्नाथ २२ दशमलव ५ ओभरमा ११६ रनमा अलआउट हुन पुग्यो ।

भुवन महरले २५ रन बनाएपनि हार टार्न सकेन । जगन्नाथको पारी ध्वस्त पार्ने क्रममा म्यान अफ द म्याच घोषित भएका एकेडेमीका अभिषेक चन्दले ६ विकेट हात पारेको खेल संयोजक गणेश चन्दले जानकारी दिनुभयो ।

प्रतियोगिता अन्र्तगत मंगलवार पनि दुई खेल हुने भएका छन । निङ्गलाशैनी खेल मैदान देहिमाण्डौंमा हुने खेलमा योङ्ग स्टार क्रिकेट क्लव मेलौलीले एनआरवाईसी बठ्ठाको सामना गर्दा बुढाबाजे क्रिकेट मैदानमा कालाशैनी क्रिकेट क्लवले त्रिपुरा क्रिकेट क्रिकेट क्लबसंग प्रतिस्प्रर्धा गर्ने भएको छ ।

सहिद दशरथचन्द स्मृती प्रतिष्ठानको आयोजनामा हुन लागेको प्रतियोगितामा ८ टीमको सहभागिता छ ।

प्रतिष्ठानको २२ औं बार्षिकोत्सव तथा सहिद दिवस २०७३ उपलक्ष्यमा आयोजना गरिएको प्रतियोगिता एकदिवसिय क्रिकेट फर्मेट अनुसार ४० ओभरको भईरहेको छ ।

बैतडी जिल्ला क्रिकेट संघको प्राविधिक सहयोगमा हुन लागेको प्रतियोगितामा प्रथम पुरस्कार नगद ५० हजार ट्रफी र प्रमाणपत्र , द्वितियलाई नगद २५ हजार ट्रफी र प्रमाणपत्र दिईने प्रतिष्ठानका सचिव नरेन्द्र बहादुर चन्दले जानकारी दिनुभयो । यस्तै म्यान अफ द सिरिज एक जनालाई नगद पाँच हजार प्रदान गरिने जनाएको छ ।

सहिद दशरथचन्द स्मृती प्रतिष्ठानले वि स २०५३ सालदेखि नियमित रुपमा सञ्चालन गर्दै आएको प्रतियोगिताले बैतडीवाट उमेर समुहका लागी राष्ट्रिय तथा अन्र्तराष्ट्रिय खेलाडी उत्पादनका साथै क्षमता अभिवृद्घि गर्न सहयोग पुग्ने बैतडी जिल्ला क्रिकेट संघका अध्यक्ष रमेस बोहराले बताउनुभयो ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)
Advertise Here





सम्बन्धित सामग्री

  • नेपाली यू-१९ क्रिकेट टोली मलेसिया प्रस्थान
  • नेपालद्वारा सिंगापुर २२ रनले पराजित
  • प्रधानमन्त्री कप क्रिकेट : बैतडीबाट ४ खेलाडी छनौट
  • राष्ट्रिय क्रिकेट खेलाडीहरु बेलौरीको विज्डम एकेडेमीमा
  • पुरुष भलिबलको उपाधी रोडिदेवललाई
  • प्रजातन्त्र दिवसमा मैत्रीपुर्ण फुटबल: पत्रकार बिजयी
  • पत्रकार र कर्मचारीबिच मैत्रीपुर्ण फुटबल प्रतियोगिता हुने
  • दशरथचन्द स्मृती क्रिकेटः निङ्गलाशैनी क्रिकेट क्लव च्याम्पियन