Facebook Twitter Google+ Google+
DHO

टुँडिखेलमा गौरा पर्वको भव्य रौनक (फोटो फिचरसहित)

Advertise Here

काठमाडौं, ९ भदौ । सुदुरपश्चिम क्षेत्रको महान् धार्मिक एवं सांस्कृतिक पर्व गौरा आज टुँडिखेलमा एक भव्य कार्यक्रम आयोजना गरी मनाइयो । सुदूरपश्चिमवासीले गौरालाई दशैँभन्दा पनि बढी महत्त्व दिएर मनाउने चलन रहेको छ । सूदुरपश्चिम क्षेत्रबाट राजधानीमा आई बसोबास गरिरहेका जनसमुदाय भेला भई टुँडिखेलमा गौरा मनाइएको हो ।

Gora1विशेष धार्मिक/सांस्कृतिक महत्त्व बोकेको गौरा प्राचीन डोटी राज्य (हाल सुदूरपश्चिमका नौ वटै जिल्ला), मध्यपश्चिमका  केही क्षेत्र र भारतको कुमाउँ/गडवाल क्षेत्रमा परापूर्व कालदेखि नै मनाइँदै आएको एक सांस्कृतिक धरोहर हो । भाद्र शुक्ल पंचमीदेखि सुरु हुने गौराको विशेष दिनचाहिँ अष्टमीलाई मानिन्छ । यो पर्व सुरु भएको एक हप्तासम्मै विभिन्न खेल, नाचगान र रमाइलो गरी मनाइन्छ । यस पर्वको अवसरमा आज राजधानीको टुँडिखेलमा आयोजित समारोहको नेपाली कांग्रेसका सभापति एवं पूर्व प्रधानमन्त्री शेरबहादुर देउवाले घण्ट बजाएर उद्घाटन गरे । समारोहमा एमालेका वरिष्ठ नेता एवं पूर्व उपप्रधानमन्त्री भीम रावल लगायतको उपस्थिति थियो । उद्घाटनपछि नेता शेरबहादुर, भीम रावललगायतले केहीबेर देउडा खेलेका थिए भने उपस्थित सर्वसाधारणको ठूलो भीडले राति अबेरसम्म देउडा, नाचगान र रमइलो गरेर मनाए ।

gora3

कार्यक्रमका प्रमुख अतिथि देउवाले गौराको अवसरमा आयोजित यस कार्यक्रमले सुदूरपश्चिमको मौलिक संस्कृति र पहिचानलाई राष्ट्रभरि नै फिंजाएर अगाडि बढ्नमा मद्दत गर्ने बताए । ‘नेपाल संघीयतामा जान लागेकोले सुदूरपश्चिमको एउटै प्रदेश बन्छ,’ उनले भने, ‘त्यसको भाषा, संस्कृति र पहिचान एउटै हुन्छ ।’ यसरी नै आफ्नो भाषा, परम्परा र संस्कृति अगाडि बढाउने र जगेर्ना गर्ने कार्य राज्य र जनसमुदाय दुवैको रहेको उनको भनाइ थियो ।

gora2
कार्यक्रम प्रशंसा संरक्षण समूहद्वारा आयोजना गरिएको हो । कार्यक्रमको अध्यक्षता समूहका अध्यक्ष अम्बादत्त भट्टले गरेका थिए भने कार्यक्रम सञ्चालन यज्ञराज उपाध्यायले गरेका थिए ।

तस्वीर : राजेन्द्र तारकिणी, शब्द : दीपसागर प्यासी 

गौराबारेको यो सामग्री पनि पढ्नुहोस्…

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)
Advertise Here





सम्बन्धित सामग्री

  • डाक्टर गोविन्द केसीले अनसन तोडे
  • पाटन नगरपालिकाको विनियोजित वजेट प्रभावकारी बनाउन अन्तरक्रिया
  • राष्ट्रिय सभा सदस्य निर्वाचनसम्बन्धी कार्यतालिका सार्वजनिक
  • डा. गोविन्द केसी बिनाधरौटी तारेखमा रिहा
  • डाक्टर केसीका पक्षमा ९२ वर्षीय वरिष्ठ अधिवक्ता भण्डारीले बहस गर्ने
  • गोविन्द केसीको समर्थनमा माइतीघरमा प्रदर्शन
  • अवहेलना मुद्दामा पक्राउ परेका डाक्टर केसी सर्वोच्चमा
  • अवहेलना मुद्दामा को–को पुगेका छन् सर्वोच्च?