समाधिबाट ८ दिनपछि उठे बाबा

मा प्रकाशित


वैशाख ४, २०७३- ९ दिनअघि समाधीमा बसेका भनिएका पोखराका श्रीवैष्णव कृष्णदासलाई आज समाधीबाट निकालिएको छ । रामघाटस्थित नरनारायण बाबा आश्रममा चैत २५ गतेदेखि उनी समाधीमा बसेका थिए ।

शुक्रबार बिहान २ सय १६ घन्टापछि उनलाई बन्द गरिएको काठको बाकसबाट बाहिर निकालिएको हो । यस अवसरमा मन्दिर परिसरमा दसौं हजारको उपस्थिति थियो । समाधीबाट उठेपछि उनले आफू मातृभूमिका लागि समाधीमा बसेको बताए । कान्तिपुरमा समाचार छ ।

उनले बिना अक्सिजन यसरी ९ दिनसम्म बस्नु कुनै चमत्कार नभएर योगबाट प्राप्त क्षमता भएको भन्दै उनले आफ्ना भक्तजनलाई नआत्तिइकन बस्न भनेका थिए ।

कुनै पनि प्वाल नभएको काठको बाकसमा उनलाई सुताइएको थियो । बाहिरबाट चाबी लगाएर बन्द गरिएको बाकसलाई बालुव र माटोले पुरिएको र माथिपट्टी एक फिट माटो राखेर जमरासमेत उमारिएको बताइएको थियो । यसबारे वैज्ञानिक वा चिकित्सकले भने केही बताएका छैनन् ।

प्रतिक्रिया दिनुहोस्... (कृपया शिष्ट भाषा प्रयोग गर्नुहोला)

error: Content is protected !!